Mwhiba
مشرف عام منتدى المواهب الشعريه
المساهمات : 48
تاريخ التسجيل : 20/05/2008
العمر : 36
 | موضوع: شارع حبيبتى  السبت مايو 24, 2008 7:22 pm | |
| شارع حبيبتى
لو فى مرة منه اعدى
اللتقى قلبى يهدى
والخيال ياخد ويدى
والمنى بيجينى طايع
بين بيوت شارع حبيبتى
اصلة غير كل الشوارع
يا حبيبتى وانتى فايتة
حيرتى وسط خطاكى بايتة
اوعى ع الاحلام تدوسى
اصلها فى السكة ثابتة
واقفة تتحدى الموانع
بين بيوت شارع حبيبتى
اصلى غير كل الشوارع
صدقينى غصب عنى
باحسد البيت والبيبان
والشموس الى يوماتى
تترسم لك عــ الحيطان
والجيران الى بتلقى
بين عنيكى قمرها طالع
بين بيوت شارع حبيبتى
اصلى غير كل الشوارع
مرى مرى راح يهون
واسمعى منى السكون
لما يعزف عند بابك
فى الهوى لحن الجنون
واحضنى قلبى الى طاير
ليلة ونهاره الى ضايع
مش بيلمح الا صورتك
الى مالية كل شارع
بس شارعك يا حبيبتى
اصلة غير كل الشوارع
موهبة ( رمز الإحساس) | |
|
